Kusaidia Bila Kuumiza Barani Afrika

Jonny Kabiswa Kyazze ni raia wa Uganda mwenye Shahada ya Uzamili katika Usimamizi na Maendeleo ya Mashirika, Shahada ya Kwanza ya Sayansi katika Maendeleo Yanayotegemea Jamii, na Stashahada ya Usimamizi wa Biashara. Amefanya kazi katika mashirika mbalimbali ya kimataifa ya maendeleo katika ngazi tofauti za usimamizi na ana uzoefu wa zaidi ya miaka 16 katika maendeleo yanayotegemea jamii. Jonny pia ni mshauri katika usimamizi na maendeleo ya mashirika na mwandishi wa kitabu Influence of Organizational Culture on Employee Performance.

Anthony Sytsma na mkewe, Sara, wanahudumu katika shirika la Resonate Global Mission nchini Uganda, ambapo Anthony huwalea na kufundisha wachungaji. Ana shauku ya kuwahimiza Wakristo wa Marekani kusikiliza na kujifunza kutoka kwa Wakristo wa Afrika ili waweze kushirikiana katika kubadilisha mbinu za kimisioni na maendeleo barani Afrika. Anthony anatoka jimbo la Michigan, Marekani, na ana Shahada ya Kwanza ya Sanaa katika Dini na Theolojia kutoka Chuo Kikuu cha Calvin na Shahada ya Uzamili ya Uungu kutoka Chuo cha Theolojia cha Calvin.

Dkt. Brian Fikkert ni Mwanzilishi na Rais wa Chalmers Center for Economic Development katika Covenant College, ambako pia ni Profesa wa Uchumi na Maendeleo ya Jamii. Yeye ni mwandishi mwenza wa vitabu nane, kikiwemo kile kinachouzwa sana When Helping Hurts: How to Alleviate Poverty Without Hurting the Poor… and Yourself. Dkt. Fikkert alipata Shahada yake ya Uzamivu (Ph.D.) katika Uchumi kutoka Chuo Kikuu cha Yale, akibobea katika uchumi wa kimataifa na maendeleo ya kiuchumi.